NAPASERYOSO na lang nga si Saber nang may maramdaman siyang malakas na presensya mula sa malayo. Alam niyang hindi ito mula sa Calapan, at dito nga ay napababa muna siya mula sa kanyang meditation. Si Sandra naman nang oras na iyon ay kasalukuyang tumatakbo nang pabalik-balik sa lugar na kanyang ibinigay kanina.
Umihip ang mahinang hangin at ramdam niya ang panganib na dala ng mga naglalabang iyon. Sigurado siya na isang Eternity ito, pero isa pang nararamdaman niya ay parang naninibago siya. Akala nga niya ay kay Lior iyon, ngunit parang hindi. Ngayon nga ay napapaisip siya kung pupunta ba siya roon o hindi.
Dito nga ay naisipan niyang kausapin sina Haze at Mad sa kanyang isip. Kumawala ang mahinang enerhiya mula sa kanya at doon na siya nagsalita.
“Nasaan kayong dalawa?”
Makikita nga
