ANG USOK sa paligid ay unti-unting napayid ng hangin at dito na nga tumambad kina Kram at Terus ang mga hindi inaasahang kalaban. Napaseryoso nga sila dahil wala silang maramdamang malakas na enerhiya mula sa mga ito, ngunit… Ang mga nangyari sa kanila ay batid nilang ang mga ito ang may kagagawan.
Si Terus nga ay buong-lakas na itinulak ang gorilla na bumagsak sa kanya. Sa galit niya ay unti-unti itong umangat na ikinangisi ng dambuhalang hayop na dumamba sa kanya. Mabilis na lumayo ang gorilla at dumiretso ito sa grupo ng tao na bigla na lang dumating. Ang hayop na iyon ay dahan-dahang nagpalit ng anyo at naging isa itong matanda na seryosong nakatingin sa kanila.
“I-isang tao? Pero paano?” bulalas ni Terus na medyo nasaktan sa ginawa sa kanya.
Si Kram naman ay nagpakawala ng malakas
