NAGISING na lang si Wyze na walang nakikita dahil wala siyang ideya kung nasaan siya. Sinubukan niyang gumalaw at naramdaman na lang niya na tila nakahiga siya sa isang higaan na kung saan ang kanyang mga paa at kamay ay may kung anong nakalagay upang hindi siya makaalis. Inalala nga niya ang nangyari at ang natandaan niya ay bigla silang nabalot ng usok na sinundan ng pakiramdam na parang may pumalo sa kanyang likod.
“Nadala ba ako ng mga Elders dito sa dimensyon namin?” tanong ng dalaga sa sarili at pakiramdam niya sa paligid ay mukhang tama nga.
Napangiti na lang siya sa kawalan at kahit walang nakikita dahil sa dilim ay mukhang alam na niya ang kanyang kahihinatnan dito. “Tapos na Wyze… Kung ano ang nangyari sa kanila ay tiyak na mangyayari rin sa akin. Ito pala ang magiging kapalara
