MAAGANG bumangon si Ethan hindi para pumasok sa opisina kundi para magluto ng agahan ng kaniyang mag-iina. Sinadya niyang gawing rest day ang Biyernes, Sabado, at Linggo para ilaan iyon sa kaniyang pamilya.
Ayaw niyang maubos ang buhay sa pagtatrabaho habang nawawalan naman ng oras sa mga mahal niya sa buhay. Kasi para kay Ethan, aanhin naman niya ang maraming pera kung hindi naman niya nakakasama palagi ang pamilya?
Pagkakusot ng mga mata ay tinapunan niya ng tingin si Zoe na nasa tabi niya. Mahimbing ang pagkakatulog nito dahil pinagod niya ito kagabi sa walang kasawaan nilang pagniniig.
Dahan-dahang yumukod si Ethan at maingat na hinalikan sa noo ang asawa. "Good morning, pretty wife. I love you so much."
Kumunot lang ang noo ni Zoe at bahagyang umungol. Pagkatapos ay tumalikod sa
