NAGULANTANG si Zoe sa malalakas na pagsabog na naririnig niya sa labas ng mansion. Parang may nagpapasabog ng bomba malapit lang sa kaniya. Ngunit hindi siya puwedeng umalis doon na hindi nakikita si Daniel. Maaaring nasa ibang sulok lang ito ng bahay at patuloy na itinatago.
"Ate Zoe, let's go! The whole island is being blown up."
Napalingon siya nang makita si Qui na pumasok doon. Nag-aalala siya sa kapatid nang makarinig uli ng putok na malapit lang sa kinatatayuan nito.
"Umalis ka na, Qui! Bumalik ka na sa speed boat," pagtataboy niya rito. "Hayaan mo na akong hanapin si Daniel."
"No! Hindi kita puwedeng iwan, Ate." Nilapitan siya ni Qui at pilit na kinaladkad palabas ng mansiyon.
"Ayoko nga sabi, eh! Hindi ako aalis dito hangga't hindi ko nakikita ang anak ko." Nagpumiglas si
