"NASAAN sina Ethan at Daniel? Nahanap na ba sila?" agad na tanong ni Zoe kay Brylle nang bumalik ang malay niya. "Bakit wala pa rin sila dito? Nasa ospital ba sila at ginagamot din?" kumbinse niya sa sarili. Mas matatanggap pa niya iyon.
Palinga-linga si Zoe sa paligid para alamin kung naroon na ang asawa at anak niya. Pero maliban kay Brylle, at kina Baby Mariel at Nathaniel na natutulog pa ay wala na siyang ibang kasama sa cottage. Natatanaw niya sa labas ang mga kapamilya ni Ethan.
Ilang saglit na hindi umimik si Brylle at nakatungo lang. Isang malalim na buntong-hininga pa ang pinakawalan nito bago nagsalita. "Ang sabi nga pala nila Allen, ligtas na raw ang mommy at mga kapatid mo. Pero patuloy pa rin silang inoobserbahan ng mga doktor."
Malayo ang naging sagot ni Brylle sa tanong
