KADARATING lang ni Ethan sa parking lot nang makita niyang masinsinang nag-uusap sina Mayeth at Damian. Mukhang galit na galit ang huli dahil dinuduro pa nito ang executive assistant niya, na bigla na lang napayuko at napaiyak.
Lalo tuloy tumibay ang kutob ni Ethan na magkasabwat ang dalawa para pabagsakin siya. Palagi niya kasing nakikita ang mga ito na seryosong nag-uusap. Sunod-sunod din ang kapalpakan ni Mayeth na nakakaapekto sa posisyon ni Ethan.
Kaya iniisip ng binata na baka magkasabwat din sina Mayeth at Damian sa pagkuha kina Mr. Akihiro at Mr. Dankov bilang mga investors. Nang sa ganoon ay tuluyan siyang mapatalsik ng Board of Directors.
Gayun pa man ay wala pa ring kamalay-malay si Mayeth na pinagdududahan na ito ni Ethan. Hangga't hindi pa niya napapatunayan, mananatilin
