"SIMULA sa araw na ito ay ayoko nang makita kayo na lumalapit o nakikipag-usap pa sa Ethan na iyon. Ipinagbabawal ko na rin siya na pumasok sa bahay na ito. Because if he did, kakasuhan ko siya ng trespassing."
Pagdating na pagdating sa mansiyon ay iyon agad ang bungad ni Zoe sa mga kapatid niya. Dahil sigurado siya na gagamitin na naman ni Ethan ang kaniyang pamilya para makalapit sa kaniya.
"Bakit, Ate? May nagawa bang mali si Kuya Ethan?" nagtatakang tanong ng bunso niyang kapatid.
Kung puwede lang sana na huwag na niyang sabihin sa pamilya ang totoo. Para hindi na masaktan ang mga ito katulad nang nararamdaman niya ngayon. Pero hindi iyon puwede.
Zoe took a deep breath bago muling bumuka ang kaniyang bibig. "Dahil hindi siya ang Ethan Zoleta na kilala natin. He is Ethan Montemayo
