DUMATING ang araw ng Biyernes. Maaga pa lang ay nasa Lucban na sina Zoe at ang buong pamilya. Doon muna sila magpapahinga at kinabukasan ay saka sila pupunta ng Pagbilao. Doon na raw sila magkita-kita ng pamilya ni Ethan.
"Bakit nga pala hindi nakasama si Justin, Ate Zoe?" tanong sa kaniya ni Zhang habang nag-aayos sila ng mga gamit.
"Bakit? Nami-miss mo ba agad ako?"
Sabay silang napalingon na magkapatid nang marinig ang boses ni Justin mula sa main door. Wala nga palang ideya si Zhang na kasunod lang nila ito kanina. Ibang kotse na naman kasi ang ginamit ng pinsan ni Ethan.
"Nagtanong lang, na-miss agad?" pamimilosopo ng kapatid ni Zoe at inirapan si Justin.
Napangiti na lang siya. Bakit may na-se-sense siyang romance sa dalawa?
"Bakit? Masama rin ba ang magtanong kung na-miss mo
