Nag-uumapaw ang emosyon ni Danica ng dumating ang araw ng kasal nilang dalawa ni Christian. Mula ng simulan siyang ayusan na medyo nagtagal dahil hindi niya mapigilan ang kanyang emosyon ng araw na iyon. Kusang pumapatak ang luha niya sa halo-halong emosyong nararamdaman. Saya, kaba, at excitement. Mabuti na lang at mabait ang babaeng nag-aayos sa kanya dahil natural na daw iyon. Halos lahat daw ng bride na inayusan nito ay ganon kaya nasanay na rin ito. At sa wakas natapos din sila kaya sobra ang naging pasasalamat niya dito.
Simple lang ang naging ayos niya dahil natural na daw siyang maganda. Pinalitaw lang nito iyon at sobra niya 'yong nagustuhan dahil ayaw niya din ng makapal na make-up. Sa hairstyle lang ito medyo natagalan dahil marami itong ginawa at kung ano-anong koloreteng inil
