NAWASAK pala talaga ang kotse ni Renzo at hindi na mapakinabangan. Mabuti na lang may isa pa itong kotse, SUV na kulay puti. Puwede na iyong pagtiyagaan. Dahil hindi pa ito makapag-drive, nag-hire ng driver si Rachell para may service siya kapag pupunta ng opisina.
Nawindang siya nang malaman ang patung-patong na problema ng agency ni Renzo. Kinabukasan matapos nilang makauwi mula ospital ay kaagad siyang bumisita sa opisina. May kinakaharap palang kaso ang isa sa security guard nito. Napagkamalan nito na magnanakaw ang lasing na empleyado ng kliyente na may-ari ng resort. Sa madilim na bahagi ng lugar nakipagbuno sa baril ang guwardiya at lasing at nakalabit nito ang gatilyo. Sa kasamaang palad, tinamaan sa kaliwang dibdib ang biktima.
Sa ibang kliyente, nasunog ang warehouse ng mga kim
