KINAKABAHAN na naman si Rachell pagkaalis nina Kenji at Zarina. Pumasok kaagad siya sa kuwarto at patay malisyang nanunuod ng telebisyon. Narinig pa lang niya ang yabag ni Renzo na papasok sa kuwarto ay parang pinapalo na ang dibdib niya. Habang papalapit ito sa kanya ay saka lamang niya napansin ang madilim nitong aura.
“Maliligo lang ako,” sabi nito, saka ito dumeretso sa banyo.
Hindi siya makapaniwala. Parang normal lang naman ito kung talagang diablo ito. Pero nahahalata niya ang biglaang panlalamig nito at pilit na pag-iwas sa kanya.
Hindi na siya naligo. Nagpunas lang siya ng katawan. Pagod na pagod kasi siya. Paglabas ni Renzo ng banyo ay wala na itong saplot sa katawan. Nakalimutan niya maglagay ng tuwalya sa banyo. Kumuha naman siya ng tuwalya saka iniabot dito. Kinuhaan niya r
