"Maraming salamat sa tiwala, Madame and Sir! Congratulations and best wishes!" Masayang pahayag ni Jonel nang matapos ang final rehearsal namin para sa nalalapit naming kasal.
Siya din iyong kinuha ni Ate Cath no'n kaya siya iyong ni-recommend niya sa amin ni Ari para maayos ang order ng processional at recessional sa mismong araw ng kasal.
Kumpleto ang mga bride's maids at groom's men dahil mga kaibigan lang namin at iilan sa mga pinsan ko at pinsan niya ang mga kasama. Iilan lang din ang nakadalo sa mga kinuha naming ninong at ninang ngayon dahil abala sila at naintindihan naman namin iyon. Mananatali pa naman si Jonel at ang team niya hanggang sa kasal para i-turo sa mga wala dito ngayon ang gagawin.
Nandito din ang mga magulang namin -- at sa bawat rehearsal naman ay lagi silang pre
