Two lines...
Two red lines.
Mainit ang nararamdaman ko sa loob ng katawan ko ngunit parang kinikiliti ang sikmura ko habang nakatingin sa pregnancy test na hawak ko. Magkahalong kaba at tuwa ang nararamdaman ko dito sa loob ng banyo. Hindi ko nga alam kung maiiyak ako o ano pero sobrang lapad ng mga ngiti ko. Pakiramdam ko ay mapupunit na sa dalawa itong mukha ko.
Gusto ko mang tumalon pero hindi ko magawa dahil nanlalambot ang mga tuhod ko sa resultang lumitaw dito sa hawak ko. Ni hindi ako makatili kahit na tuwang-tuwa ako. Basta, ang hirap ipaliwanag nito nararamdaman ko ngunit masasabi ko na masaya ako -- masayang-masaya na dalawang pulang linya ang nagpakita sa akin ngayon.
Sa sobrang saya ko nga ay nakikita ko ang pag-shake ng pregnancy test kahit na mahigpit ko itong hawak. Para
