"Go back to Clint and start a new life, Aleli. Ngayong nahanap mo na sila ng anak mo, huwag mo na silang iwan."
Iyon ang huling sinabi ni Don Amante bago muling pumikit. He's in deep sleep again. Mahinang mahina ito at hirap na hirap magsalita. Gayunman, ininda nito ang sakit para makausap siya. Muling tumulo ang mga luha ni Elaine nang mapagmasdan ang hapis at maputlang mukha ng don. Ang laki ng ipinayat nito simula ng umalis siya sa mansion.
Masakit sa loob niya ang makitang naigupo na ito ng sakit sa pagkawala niya sa tabi nito pero hindi niya puwedeng pagsisihan ang pag-alis. Dahil sa bakasyon niya, nakita at nakapiling na niya ang anak niya at si Clint.
Kumirot ang dibdib niya nang maalala ang gabing tinangka niyang magtapat kay Clint. Umalis ito at hindi na bumalik. Tinawagan n
