MULA sa kinatatayuan ay tanaw na niya si Clint. Nakaupo ito sa malaking bato habang minamasdan ang malinaw na tubig galing sa talon. Kadarating lamang niya at sinabi ni Aling Pacing na narito ang binata kaya sinundan niya. Umalis din agad si Mang Pilo pagkahatid sa kaniya. Hindi pa sila nagkalinawan ni Clint tungkol kay Jex kaya hindi na siya makapaghintay pa.
Maingat siyang lumapit dito. Tumikhim siya para makuha ang atensyon ni Clint. Saglit lang ang pagdaan ng gulat sa mukha nito. Napalitan din agad ng seryoso at matiim na titig sa kaniya.
Alangan siyang umupo sa tabi ng binata pero wala na siyang nagawa nang ilahad nito ang tabi para umupo.
" Alam kong susunod ka. Alam kong pipiliin mo kami ni Jex." Mariin ang bawat bigkas nito sa mga kataga.
Pipiliin mo kami ni Jex? Gusto niyan
