TIFFANY
HABANG daan ay kita niya ang pag-galaw ng bagang ng asawa. Diretso ang tingin nito sa daan at hindi man lamang siya tinitingnan. Parang nagalit yata ito sa gusto niyang gawin pero wala siyang choice. Huminga na lamang siya ng malalim saka ginagap ang palad nito.
"Babe, galit ka ba sa akin?" Napatingin ito sa kanya at kitang-kita niya ang biglang paglambot ng anyo nito. Bumuntung hininga rin ito saka nag-preno at itinabi sa gilid ng daan ang sasakyan pagkatapos ay saka siya hinarap. Pinisil nito ang baba niya at isang ngiti ang pinakawalan kahit pa nga ba pagod at puyat ang nababakas niya sa mukha nito nang mga sandaling iyon.
"Hindi ako galit sa 'yo, sweetie. Naiinis lang ako sa sitwasyon dahil bakit kailangan pang mangyari 'to kung kailan okay na tayong lahat." Muli itong hum
