Pagkalagay ni Rashee ng mask sa kalahati ng mukha ay 'di na napigilan ni Isel ang sarili na hindi pigilan ang binata sa nais nitong gawin.
Lalabas kasi si Rashee. Titingnan daw nito ang kalabugan sa may bubongan at baka nasundan sila. Wala talanag katakot-takot ang binata.
"Huwag ka na lang umalis! Dito ka na lang!" pagkasabi niya iyon ay napakagat labi siya at naipit niya ang buhok sa tainga. Nakakahiya dahil para naman siyang nobya ni Rashee sa inasal niya. Pero kasi ayaw niya talaga itong umalis. Mapanganib. Ayaw niyang mapahamak ito.
"Bakit?" napakatabang na tanong ni Rashee agad.
"Ate? Concern much kay kuya?" pasarkastikong tanong naman ni Nicole. Natatawa pa ang bata. Nanunukso pero halatang kinikilig. Nakakaramdam na ang bata.
Nakagat na niya ang kanyang pang-ibabang labi. Nap
