Nang nasa biyahe na pauwi ay tahimik lang si Kristen habang nakaupo sa front seat, at mag-isa namang nakaupo sa backseat ang kaniyang anak habang naka-seatbelt sa upuan ay may hawak na biscuit.
“Bakit hindi ka man lang nagpaalam sa akin na dadalaw ka pa sa kaniya?” tanong na ni Callum na hindi na nakatiis pa habang nagmamaneho.
“I’m sorry, alam kong busy ka, kaya hindi na ako nagpaalam pa,” mahina naman niyang sagot dito habang nanatili ang tingin sa ibang direksyon.
“Hindi ’yan sapat na dahilan para hindi ka magpaalam kahit sa text message man lang. I'm your husband now, Kristen.”
“I'm sorry, mali ako. Hindi na mauulit.”
Napabuntonghininga na lang si Callum at hindi na ito nakipagtalo pa sa kaniya, pero halata pa rin sa mukha nito ang pagka-disappoint.
Nang makauwi na sila pabalik
