Three Weeks Later
Lisbon, Portugal
NANGHIHINANG napaupo na lang si Kristen sa couch sa living room at hindi mapigilan ang tahimik na maiyak. Napagod na siya sa pakikiusap sa mga security guard na payagan siyang lumabas ng mansyon kasama ng kaniyang anak na si Xanth, pero ayaw ng mga ito dahil mahigpit daw ibinilin sa kanila ni Callum na huwag na huwag na siya hahayaang makalabas.
Hindi na niya alam kung ano na ang dapat niyang gawin para makabalik na ng Pilipinas, dahil ramdam niyang wala nang balak pa si Callum bumalik. Ang sabi nito sa kaniya ay dalawang araw lang sila mananatili, at akala niya ay sa Italy siya nito dadalhin, pero sa Portugal pala. At ngayon ay dalawang linggo na ang lumipas, tuwing tinatanong niya kung kailan sila uuwi ng Pilipinas, ang sinasagot lang nito sa kaniya
