DUMATING ang alas syete, nanatili pa rin si Cedric sa ospital, hinintay si Kristen na matapos sa trabaho dahil nagyaya itong mag-dinner sila para mapag-usapan ang kaso ni Dr. Minzi.
Kaya naman nang matapos si Kristen sa kaniyang trabaho ay sumama nga siya kay Cedric papuntang restaurant, sa kaniyang kotse siya nakasakay, at ito naman ay sa kotse nito.
Mapapansin naman ang pagiging tahimik ni Cedric nang nasa loob na sila ng restaurant at naghihintay na lang sa kanilang order, tahimik lang ito habang nakatingin sa baba na para bang may kung ano’ng malalim na iniisip. Kaya naman hindi na nakatiis pa si Kristen at nauna nang magsalita.
“So ano, matutulungan mo ba si Minzi sa kaso niya?” she asked.
Saka lang nag-angat si Cedric ng tingin sa kaniya na parang biglang natauhan sa malalim na i
