Dahil na rin sa excited siya sa date nila ni Garreth halos hindi na siya lumabas ng silid niya para naman makapag beauty rest. Pinuntahan pa nga siya ng Mommy niya para yayahin siyang mag lunch. Tumanggi siya dahil baka hindi kumasya sa kanya mamaya ang dress na ipapadala ni Garreth para sa kanya.
"Iba ang saya mo ngayon Annika," puna ng Mommy niya.
"Sobrang saya ko po Mommy. Hindi ko nga po maipaliwanag ang sayang nararamdaman ko ngayon," amin niya sa ina.
"Masaya ako para sa iyo Annika. Mukhang natagpuan na ang lalaking para sa iyo anak," saad pa ng ina.
Matamis na ngiti ang naging tugon niya sa ina. Iyon din kasi ang nararamdaman niya, mukhang si Garreth na nga ang lalaking para sa kanya. Mukhang si Garreth na ang lalaking nakatadhana sa kanya.
Halos tumakbo siya pababa ng hagdan
