Mabilis na lumipas ang mga buwan at naisilang na niya ang anak nila ni Garreth. Dininig din ang kanyang dasal na sana kambal na agad ang kanyang dinadala, para isang ire na nalang. Dalawang anak lang naman kasi ang pareho nilang gusto ni Garreth, at nagpapasalamat siyang pinagbigyan siya ng panginoon.
Isang malusog na lalake at isang malusog na babae ang isinilang niya. Walang katumbas na kaligayaan ang kanyang naramdaman nang makita ang kanyang gwapo at magandang anak. Hindi nga siya makapaniwala na nailabas na niya ang siyam na buwan niyang nasa sinapupunan.
Nasa ospital pa nga lang siya nagsi dalaw na ang buong angkan ng mga Saavedra. Sila palang kasi ni Garreth ang nagkaroon ng kambal na anak sa lahat ng Saavedra, kaya naman napaka excited ng mga ito na makita ang mga anak nila ni Ga
