Point of view
- Mikaela Sandoval -
Marahang tumayo si mommy saka naglakad patungo sa aking kinaroroonan. Tinapik niya ang aking balikat saka pilit na ngumiti.
"Maiwan ko muna kayo, anak," wika ni mommy.
"S-Sige po, ma."
Sa paglabas ni mommy sa loob ng visitors room, mariin akong napalunok dahil sa nadarama kong kaba sa aking puso.
Tila galit na galit kasi si Lenard ngayon at hindi ko mabasa ang kanyang iniisip.
Sinimulan kong ihakbang ang aking paa patungo sa kanya, saka maingat na umupo sa kanyang tabi.
"K-Kanina ka pa ba rito? B-Bakit ka pala napabisita?" nauutal kong tanong kay Lenard.
Nanlaki ang aking mga mata nang biglang nilapit sa akin ni Lenard ang kanyang mukha, dahilan upang mapasandal ako sa armrest ng sofa na aming inuupuan.
"Saan ka galing? Bakit wala ka man lang pa
