AMIRA
"Phobos, pahing--" Natigilan ako sa pagsasalita noong maalala kong wala nga pala ako sa Pilipinas. Isang linggo pa lang akong nandito, pero pakiramdam ko parang taon na ang lumipas. Hindi pa rin ako sanay, at for sure, hindi ako masasanay na wala ang asawa ko sa aking tabi.
Pinilit ko ang sarili ko na bumangon dahil ngayong araw ko malalaman kung pumasa sa evaluation 'yong ipinasa kong design. Though, kung gagamitin ko ang connection ng pamilya ng asawa ko, hindi ko na kailangan pang magpakahirap dahil isang tawag lang nila, tatanggapin na agad ng fashion comp ang design ko, kaso hindi. Ayaw ko nang gano'n. May tiwala ako sa kakayahan ko kaya hindi ko na kailangan pa ng back up. Kung hindi ito para sa akin at ma-reject man iyon, marami pa namang opportunity na darating. Hindi ako
