Ito na ang huling sandaling mananalagi si Amira sa laboratoryo ni Finn. Hinihintay na lamang nina Shane at Dylan ang ambulansya na magdadala sa kanila patungo sa bago nitong pagpapahingahan. Sa mga huling sandali, hinayaan ng mag-asawa na bisitahin ng mga kaibigan nito ang kanilang anak dahil ito na ang huling beses na papayagan niyang magkita-kita sila kapalit ang lunas na matagal na nilang hinahangad.
Kita ang pagkasabik at labis na lungkot sa mga mukha ng mga kaibigan ni Amira. Niyakap nila ang walang malay nitong katawan, sinasabi ang kanilang huling habilin.
Nabalot ng luha at pagtangis ang silid. Bumaon iyon sa tenga at puso ni Shane ngunit pilit niyang iwinawaksi ang nakakahabag na pangitain. Nanatili siyang bato, pilit na isinisiksik sa kanyang sistema na tama ang kanyang desisyo
