Point of view
- Joseph Lee -
Masarap sa pakiramdam ang makasama sa iisang bubong ang taong pinakamamahal mo. Ngunit para sa akin, bilang isang lalaki, maipapakita ko lang ang tapat at wagas kong pagmamahal sa pamamagitan ng isang kasal. Nais kong maipagmalaki sa buong mundo na heto ang babaeng asawa ko. Ito ang babaeng makakasama ko sa aking pagtanda. Ito ang nag-iisang babaeng taas noo kong ihaharap sa altar.
Ngunit akala ko ay magiging madali, mahal ko si Emma, mahal niya rin ako. Ngunit tila ang pait ng nakaraan ay patuloy na bumabagabag sa kanya. Wala akong karapatan na pilitin siya sa desisyong nais ko, kaya naman, nirerespeto ko ang bagay na iyon.
***
Matapos kong ihatid si Emma sa kaniyang opisina. Mabilis akong nagmaneho patungo sa Lee Global Corporation. Halos tambak na rin k
