Point of view
- Emma Addison -
Nagsimulang gumapang ang maaalat na luha sa aking mga mata. Tila ang lahat ng agam-agam at pagkabahala ay nawala nang parang bula sa aking puso.
Kahit masakit pa rin ang aking buong katawan, nais ko sanang tumayo upang yakapin ang aking anak na si Cyrus. Labis akong nag-alala sa kanya, mabuti na lang at muli siyang bumalik kasama si Joseph.
"Mommy!" sigaw ni Cyrus.
Mabilis siyang tumakbo sa aking kinaroroonan. Binukas ko ang aking bisig saka ko siya mahigpit na niyakap nang maramdaman ko ang kanyang katawan.
Kahit ako ay nakaupo lang sa kama at nakayupyop ang mukha ni Cyrus sa aking bisig, pilit ko pa ring dinikit ang aking labi sa kanyang buhok upang paulanan siya ng halik.
"Mabuti naman at ligtas ka, Cyrus," saad ko sabay sa pag-agos ng aking mga luh
