"Jeni, pasensiya na kung naistorbo kita," ani Hatt nang bumisita ito sa kaniya sa Luxy Subdivision kasama ni Juvy.
Tumingin si Jeni kay Juvy na kausap si Xingxing sa may sala. Inilipat niya ang tingin kay Hatt na nasa kaniyang harapan.
"Pasensiya ka na kung nadamay ka sa galit ko kay Storm. Salamat at sinamahan mo si Juvy na pumunta rito sa bahay."
"Hindi ka na ba galit sa akin?" tanong sa kaniya ni Hatt.
"Maraming taon ang lumipas kaya hindi na ako galit. Naisip ko na kahit na isumpa ko kayong kaibigan ni Storm wala namang mababago. Alam ko na hindi ninyo siya kinampihan, naiintindihan ko dahil kaibigan ko si Juvy, naglihim din kami sa inyo noon."
"Salamat naman kung ganoon, Jeni." Tumingin ito kay Xingxing. "Nasabi sa akin... I mean ni Juvy na kamukha ni Xingxing si Lucio. Siguro ma
