Nang makarating sa ibaba at nagtatakang napatingin si Gigi kung bakit ang dami nang mga empleyado. Wala pang alas-otso pero halos puno na ng mga empleyado ang buong gusali. Ang iba ay nagmamadali at maraming inasikaso.
Ang iba ay kararating lang at nagmamadaling umakyat sa kani-kanilang department office. Hindi tuloy maiwasan ni Gigi na mag-isip na may nangyari na naman.
“Bakit ang aga yata nila ngayon?” bulong ni Gigi sa sarili.
Ang pagmamadali niya kanina na makaalis na sa lugar ay hindi nangyari.
Gigi decided to ask one of the guards in the main entrance of the building. Nagpalinga-linga siya para masigurong walang nakakapansin sa kan’ya.
“Good morning po, manong Bernie.” Tudo ngiti si Gigi. Binati niya ang isang middle-aged na guwardiya. Naging kaibigan na
