NANGHIHINA pa rin si Elise at unti-unting tumataas ang kaniyang lagnat. Nanunuyot din ang kaniyang lalamunan at namamaga ang tonsils. Maaring may infection siya sa tonsils dahil sa ilang beses na exposure sa usok ng mga inihaw. Kahoy lang din kasi ang ginamit sa pagluto ng mga empleyado sa party noong isang araw.
Ayaw niyang mag-abala si Terrence na asikasuhin siya kaya pinilit niyang kumilos at tulungan ito sa pagluluto.
“Magpahinga ka, Elise. Ako na ang bahala rito,” anito.
“Lalo akong manghihina kung hindi kikilos,” giit niya.
“Tsk! Makulit ka rin, eh. Doon ka muna sa dining para hindi mo malanghap ang usok ng niluluto ko. Namamaga ka’mo ang tonsils mo.” Binigyan siya nito ng na-blend na konting bawang at nilagyan ng honey. “Mag-take ka nito isang kutsara. Makatulong ito para ma
