KONTI lang ang nakaing kanin ni Elise at nabusog siya ng buko salad at lumpiang isda. Nakauwi na ang ibang tauhan at mga nag-iinuman na lamang ang naiwan. Tumambay sila in Ashley sa open cottage katapat ng swimming pool. Nagsalo sila sa red wine at pinag-usapan ang ibang plano nina Seth at Terrence sa ibang investment.
“Gusto ni Terrence magpagawa ng playground para sa mga bata,” ani Ashley.
“Saan naman siya magpapagawa?”
“Doon sa bakanteng lote sa tabi ng garahe. May bakod na iyon. Mahilig kasi sa mga bata si Terrence, and you know, it’s his best way to heal his inner child. Iyong mga bagay na hindi niya naranasan noong bata ay gusto niyang iparanas sa ibang bata at makita ang ngiti sa mga mukha.”
She was impressed. Naintindihan na niya ang plano ni Terrence. Noong unang kita niya
