"Oh, Brandon. Ikaw pala?" gulat na tanong sa akin ni Warren. Nakita ko siya sa loob ng isang coffee shop at mag-isa lang. Kaagad na hinanap ng mga mata ko si Lunnox ngunit hindi ko siya nakita.
Umupo ako sa kaharap niyang silya. "Kasama mo ba si Lunnox?"
"Na-Nasa vacation siya sa isang trip." Hinigop nito ang mainit na kape na hindi man lang hinihipan. Napaso ang dila nito at pinilit na ngumiti sa akin.
"Okay ka lang?" Inabutan ko siya ng tissue paper. "Mukhang namumutla ka, Warren."
"Hi-Hindi naman, nagulat lang kasi ako dahil bigla kang sumusulpot sa kung saan. Akala ko ba nagbakasyon ka. I mean, nasabi sa akin ni Lunnox na umalis ka raw. Hindi ka ba natuloy sa pupuntahan mo?"
Umiling ako rito. Pinag-aralan ko ang kilos ni Warren at alam ko na may itinatago siya sa akin.
"Hindi ako
