NAKANGITI ako habang hinihintay na lumabas ng comfort room si Lunnox. Alam kong hindi nito inaasahan ang ginagawa ko ngunit ito lang ang alam kong paraan para makapagpaliwanag ako sa kanya. At kailangan ko siyang ilayo kay Brandon hangga't hindi ko nasisigurado na mapagkakatiwalaan ko talaga siya.
Hindi ko na p'wedeng dalhin si Lunnox sa Villa Cortesi dahil alam na iyon ni Brandon. May isang lugar pa akong alam sa San Idelfonso farm. Private property na itinago ko sa pangalan ng paborito kong isda na si Juan. Malayo sa bayan at hindi alam ng kahit na sino maliban sa iilang mga tauhan ko.
"Sir, isang oras na po sa loob ng rest room si Miss Lunnox." Tila nag-aalala si Pau.
"Wala naman siyang pupuntahan na ibang daan kun'di sa harap nating dalawa, Pau. Maghintay na lay tayo at lalabas din
