Luminous Academy: The Intellectual

Minamahal  na mambabasa, Kung ikaw ay isang taong may bukod tanging kakayahan upang magpagalaw ng mga bagay-bagay sa iyong isipan, kayang lumutang at lumipad sa himpapawid upang makamit ang pinapangarap, at may malakas na pangagatawan upang makalampas sa lahat ng pagsubok sa buhay, maaari ka nang tumuloy sa pagbabasa. Kung bukas ang iyong isipan, at malawak ang iyong imahinasyon, ihanda ang inyong sarili't pasukin ang mundong walang kasiguraduhan. Ang mundong maaaring maging realidad, at maaari rin maging pantasya ng sanlibutan. Ang mundong mas hihilingin mong doon na lamang manatili't mabuhay upang matakasan ang realidad ng iyong buhay. Paalaala lamang na ang manunulat nito'y hindi perpekto't nagkakamali rin. Ikintal din sa isipan na ang ilan sa mga karakter rito ay mga pangalan ng taong nakakasalamuha ng manunulat. Maaring mahalaga sila sa buhay nito, o hindi kaya'y isa lang sa mga taong hiniling ng manunulat na masagasaan na lang sa isang tabi. Bawat pangyayari ay magkahalong pantasya at realidad, at nasa mambabasa na ito upang mawari at masuri. Pinaghirapan ito't ilang oras at araw ang sinayang at ginugol upang mabuo ang bawat kabanata kaya utang na loob sana'y walang magtatangkang kumopya nito. Ang kahit ano mang pagkakatulad ng kwentong 'to sa iba ay hindi sinasadya't pawang nagkataon lamang. Kaya nais sana ng manunulat na walang makitang komento na inihahalintulad ito sa ibang kwentong nabasa. Walang sino man ang maaaring umangkin dito bukod sa manunulat na nagsulat ng binabasa ng mga mambabasa ngayon. Magulo? Mas magulo ang susunod na pahina. Ito ay isang babala mula sa manunulat na may likha, sa oras na makapasok kayo sa mundong 'to, lulunurin kayo ng pantasya't hindi niyo na hihilingin pang makaahon upang harapin ang realidad. Nagmamahal, GLC             Inyong Manunulat