Ikatlong Persona
Sa napakalawak na ground field, napuno ito ng mga estudyante, at kapansin-pansin ang iba't-ibang kulay ng laso na nakatali sa pulsuhan ng mga ito. Magkakasama sila ayon sa grupo na itinalaga sa kanila para sa pagsusulit.
Naghahari ang araw sa kalangitan, ngunit hindi naman ito gaano kainit gaya ng inaasahan. Sa katunayan nga'y ang temperatura sa umagang 'to ay kagaya ng temperatura ng panghapon. Malamig, at medyo mahangin.
Ngayon ang araw ng kanilang pagsusulit, at hinihintay na lamang nilang dumating ang mga Magistre upang simulan na ito. Nagsimulang umingay ang paligid dahil sa pag-uusapan ng mga estudyante. Ilan sa kanila ay nasasabik na, kinakabahan, natatakot, at ang iba naman ay tahimi
