Lucy
"Alisin mo ang maruming kamay mo sa braso ko, Alipin." Matigas na pahayag ng kuya ni Cursten, ngunit hindi nakinig si Mekhi sa sinabi niya.
"Nais mong alisin ng isang Aliping gaya ko, ang maruming kamay ko sa braso mo, ngunit hawak-hawak mo naman ang braso ng kaibigan kong isa ring Alipin? Ano ba talaga ang gusto mo'ng mangyari?" Nakita ko ang paniningkit ng kanilang mga mata.
Napatingin naman ako kay Erycha na parang hindi alam ang gagawin. Kagat-kagat niya ang kuko niya't parang nagdadalawang isip kung ano ang gagawin niya. Hindi ko rin naman siya masisisi kung natatakot siyang banggain ang mga Maharlika. Magiging kalbaryo ang buhay niya kung may gagawin siya.
"Ano ang nangyayari rito?" Na
