Ikatlong Persona
Gumalaw ang daliri ng dalaga't pumilig ang ulo nito, tanda na siya'y unti-unti nang nagigising mula sa napakahabang pagtulog. Pagmulat ng mata niya'y tulala siyang napatitig sa kisame. Kinurap niya ang kaniyang mga mata nang maramdamang may butil ng tubig na dumaloy sa kaniyang pisngi.
Tinukod niya ang magkabilang kamay niya't dahan-dahang bumangon. Tiningnan niya ang sarili niya't napakunot ang kaniyang noo dahil iba na ang suot niya. Inikot niya ang paningin niya't napansin niyang nasa loob siya ng hindi pamilyar na kwarto.
Nasaan ako?
"Gising ka na pala. Kamusta ang kalagayan mo?" Bumukas ang pintuan at iniluwa roon ang isang lalaking nakasuot ng suit. Puno ng pag-aalala ang kaniyang mga
