Lucy
"Ate Lucy! Gising na po kayo!" Agad akong napabangon nang marinig ko ang nakatiling boses ni Sapphira. Mukhang galak na galak siya't gustong-gusto niyang magising na ako.
"Nariyan na po sa labas si Kuya Mekhi!" Umunat muna ako bago ayusin ang pagkakatali ng buhok ko. Kahit pamuyod ng buhok ay wala sila, kaya ugat na lang ng punong balete ang ginamit ko. Mabuti na lang ay maparaan ako't nasusulosyunan ko naman ang mga simpleng problema.
Kinusot ko ang mga mata ko bago kumuha ng maliit na telang nakasabit sa sampayan. Binasa ko ito ng tubig bago gawing pamunas sa mukha ko. Paglabas ko ng kubo, bumungad sa'kin si Mekhi. Nakatayo siya habang may hawak-hawak na sulo. Nagbabaga ang apoy mula rito,
