FAYE
Masaya ang reception ng kasal nina Ate Danaya at Kuya JC. Maingay rin dahil puro kalokohan ang mga pinsan ni Sir Adi, at kahit espesyal na araw ito para sa mag-asawa, ay na-bully na naman sila ni Lolo Sabby.
Nagtataka ako sa kanila dahil kahit hindi maganda ang tabas ng dila ni Lolo Sabby, ay ayos lang sa kanila. Siguro ay nasanay na sila dahil ganyan talaga siya magsalita, kaya pinagtatawanan na lang nila ang pagiging arogante ng aking lolo.
“Honey, let's go home,” bulong sa akin ng asawa ko.
Mukhang inaantok na siya, kaya gusto nang umuwi. Kanina pa kasi kami dito sa reception hall at marami na rin namang nainom na alak ang asawa ko. Hindi ko naman siya pinigilan dahil kasama niya ang kaniyang pamilya at masayang okasyon ito para kina ate Danaya.
“Nagpaalam ka na ba sa kanila?”
