FAYE
Pakiramdam ko ay tila kasing pula ng kamatis ang magkabilang pisngi ko nang bumukas ang pintuan at nakita kong may ilang lalaking nakakita sa amin ni Sir Adi dito sa loob ng elevator.
Ang awkward kasi ng posisyon naming dalawa, kaya bahagya ko siyang itinulak para makalayo ako sa kanya at humakbang palabas ng elevator.
Nakayuko naman ang mga lalaking nasa labas ng elevator. Para bang takot silang makita si Sir Adi, kaya umiiwas silang lahat na makuha ang atensyon ng kanilang amo.
Tahimik akong naglakad kasama si Sir Adi. Pumasok kami sa isang pintuan at bumungad sa akin ang mga bote ng alak sa ibabaw ng mesa, pati na rin ang mga baso at pagkain.
“Congratulations, Boss!” sabay-sabay na bati ng mga taong narito sa silid.
Marami sila, sa tingin ko ay umabot sila ng limampu. Karamih
