FAYE
Gabi na nang nagpaalam sa amin si Mira na uuwi na siya. Dito na rin siya kumain ng hapunan kasama namin. Nakasama ko siya sa loob ng ilang oras at napag-aralan ko ang mga kilos ng kapatid ko.
Malakas ang pakiramdam ni Mira, kaya maingat akong nagmamasid sa kaniya habang narito siya sa bahay dahil narinig kong sinabi niya nang tawagan siya ni Cynthia na pakiramdam daw niya ay nakamasid ako sa bawat kilos niya.
Wala naman akong nakitang mga bagay na dapat kong ipag-alala sa kanilang dalawa ni Sir Adi. Kahit matagal silang naging magkarelasyon, ay naging civil ang pakikitungo nila sa isa't isa habang kasama ko sila.
Hindi ko alam kung tama ang hinala ko, pero malakas ang aking pakiramdam na hindi ito ang unang pagkakataon na nagkita silang dalawa dahil parang normal na lang kung sila
