FAYE
“Anong sinasabi mo?” narinig kong tanong ni Sebastian Mondego mula sa kabilang linya.
“Narinig na po ninyo ang sinabi ko, kaya huwag mo akong sisihin kapag napatay ko ang apo mo!” walang pagdadalawang-isip kong sagot.
Narinig kong nagsasalita pa sa kabilang linya ang lolo ni Mira, pero hindi ko na pinakinggan. Inis na pinutol ko ang tawag at ibinaba ang hawak kong cellphone.
Kulang na lang ay mabasag ang cellphone ni Sir Adi sa higpit ng pagkakahawak ko. Hindi ko pa rin inaalis ang pagkakatingin ko kay Mira na hanggang ngayon ay nakaupo sa sofa at umiiyak habang kausap si Adirah.
Tinalikuran ko sila at iniwan sa sala. Malaki ang hakbang na naglakad ako papunta sa silid namin ni Sir Adi dala ang kaniyang cellphone.
Naririnig ko itong nagri-ring, pero hindi ko sinagot. Ramdam ko n
