FAYE
Maaga akong nagising kahit hatinggabi na nakatulog kagabi dahil narinig kong nagsusuka sa banyo ang asawa ko. Inis na inis ako sa kaniya ngayon. Hindi naman pala niya kaya ang sarili kapag lasing, pero ang lakas ng loob na maglasing.
Hindi ko rin gusto ang amoy ng kama dahil dumikit ang amoy ng alak. Bumaba agad ako at iniwan ko sa loob ang asawa ko. Naiinis ako kapag nakikita ko siya, kaya minabuti kong lumabas muna ng silid para magpahangin.
Tahimik ang buong kabahayan. Mukhang tulog pa ang aking mga magulang, pero hindi ko sila pinuntahan sa silid nila. Minabuti kong lumabas at pumunta sa hardin dahil gusto kong umupo sa duyan na nakita ko sa ilalim ng puno kagabi.
“Good morning, Ma'am,” bati sa akin ni Lena nang makita niya akong naglalakad palabas.
“Good morning,” pormal ang
