FAYE
Pinaghinalaan pa ni Mr. Mondego si Mommy Avery na siniraan daw siya ng biyenan ko sa akin. Grabe din pala kung mag-isip at magduda ang matandang ito.
Kung totoo na siya nga ang ama ng tatay ko, ibig sabihin ay namana ko lang ang masamang ugali ko sa kaniya dahil kahit ayaw kong tanggapin ang totoo, ay hindi ko puwedeng dayain ang aking sarili na may dugo pa rin ni Mr. Mondego ang nananalaytay sa ugat ko.
Bumukas ang pintuan at pumasok si Daddy Alexander. Akala ko'y siya lang ang dumating, kaya hindi ko inaasahan na dadalaw rin pala dito sa akin sa ospital ang mga ninong ni Sir Adi.
Kilala ko na sila dahil minsan na silang pumunta sa penthouse noong araw na sinamahan nila si Mr. Mondego para kausapin ako.
“Bakit nandito kayong apat? Wala ba kayong mga trabaho?” agad na tanong ni M
