NAPAHILOT sa sintido si Mara habang nakapikit. Masakit ang ulo niya dahil halos buong araw din siyang nababad sa computer. Nagkakagulo sa kanilang opisina dahil darating ang malaking kliyente na mag-i-invest daw sa kompanya. Naghanda nga ang kanilang boss ng welcome party.
Wala siyang balak na dumalo. Mas gusto na lang niya na umuwi dahil sobrang pagod. Sa biyahe pa lang kasi ay tagtag na ang kanyang katawan. Magaling na ang kanyang anak. Matapos inumin ang resetang antibiotic ay kaagad nawala ang lagnat nito at bumalik ang sigla. Infection nga siguro ang dahilan kung bakit nagkasakit si Dalton.
Hindi nga nila alam kung saan nakuha ng anak ang U.T.I dahil hindi naman nila ito pinapakain ng junk foods o softdrink. Sinanay nila ang anak sa mga healthy foods tulad ng gulay o prutas. Pero
