NAGLALAKAD si Mara papunta sa office ng Computer Programming Department. Pinatawag siya ni Mr. Velez dahil gusto raw siyang kausapin bagay na pinagtataka rin niya dahil nakasalubong pa niya ito wala pang bente minutos ang nakalipas. Nagkabatian pa silang dalawa. Isa pa hindi niya ito Professor. Nagkakausap lang sila dahil kapag may robotics competition.
Kumatok siya nang marating ang naturang opisina. Katabi lang iyon ng department office ng Mechanical Engineering. Nakapaskil pa nga sa labas ng pinto ang pangalan ni Denver at ng iba pang Professor nang naturang departamento.
Nagtaka siya nang walang sumasagot sa loob kahit ilang beses na siyang kumatok. At nang sinubukan niyang pihitin ang door knob ay hindi niya mabuksan. Lock. Ibig sabihin walang tao sa loob. Pinagtripan ba siya ng est
