“MAY problema ba? Bakit namumugto ang mata mo?” kunot-noong tanong ni Denver. Kararating lang nito.
Iniwas ni Mara ang mukha. Hindi niya ito kayang titigan sa takot na baka sumambulat siya ng iyak. Ni hindi nga niya nagawang salubungin ito na gaya ng madalas niyang ginagawa kapag dumating na ito.
Umupo si Denver sa tabi niya. Binuhat siya at kinandong. Hinaplos ang pisngi gamit ang likod ng palad nito.
“Tell me, what’s wrong, Baby?”
”Wala. Masakit lang ang ngipin ko buong araw.”
”Pumunta tayo sa dentist bukas din.”
Tumango siya. Pigil ang luha. Gusto niyang maniwala na totoo ang pinapakita nitong concern. Ngunit alam na niya ang lahat ng pagpapanggap nito. Pwede itong bigyan ng best actor award dahil convincing ang acting nito. Napaniwala siya na totoo ang pagmamahal nito. Paano
