“WHAT’S wrong?” tanong ni Denver. Napuna marahil ang pagiging tahimik niya habang lulan sila ng kotse pauwi. Suot na niya ang pinabili nitong damit sa staff nito. Isang bulaklaking bestida. Kinurot nga niya ito sa inis dahil alam nitong hindi siya nagsusuot nang ganoon. Umandar kasi ang pagkapilyo nito at gusto siyang makita na nakabisteda. Inulan siya nito ng papuri at nakita naman niya ang sinserong paghanga sa mga mata nito kaya nagkaroon siya ng confident na lumabas na naka-halter neck floral dress.
Siguradong magtataka ang mga tao sa kanilang bahay kapag nakita siya na ganoon ang suot pero may nakahanda na siyang sagot. Sasabihin niya na aksidente siyang nabasa ng kanyang klase at pinahiram siya ng ekstrang damit ng isa pa niyang kaklase na babae na nagdo-dorm sa labas lang ng Univer
