NAKARINIG si Mara nang mahihinang katok kasabay no’n ay ang pag tawag ng kanyang kapatid sa kanyang pangalan. Ayaw sana niyang bumangon. Gusto niyang magpanggap na tulog pero tila wala yata itong balak na umalis sa labas ng pinto.
Nakaalis na si Denver. Sumilip siya kanina sa bintana nang ihatidmito ng kanyang kapatid sa labas ng gate. Nakita pa niya na bago ito sumakay sa kotse ay tumingkayad ang kanyang Ate Bella at binigyan ito ng isang makapugtong-hininga na halik. Umasa siyang itutulak nito ang kanyang kapatid pero hindi nangyari. Sa halip ay nakita niya itong rumeresponde ng mas mapusok na halik. Halatang na na-miss nito ng husto ang kanyang kapatid.
Parang dinurog ang puso niya sa nakita. Napatunayan lang niya na rebound girl lang siya nito. Ganoon din ang paraan nang paghalik at
